Главная > İdman > Millimiz növbəti qələbəsini qazandı

Millimiz növbəti qələbəsini qazandı


29-08-2019, 07:44. Разместил: dovletxeberleri.az
Millimiz növbəti qələbəsini qazandı
Voleybolçu qadınlardan ibarət Azərbaycan milli komandası Avropa çempionatında növbəti oyununu keçirib.

Dovletxeberleri.az xəbər verir ki, Macarıstanda təşkil edilən C qrupunun qarşılaşmasında rəqib Estoniya yığması olub. Budapeştdəki "Laslo Papp" arenasında baş tutmuş qarşılaşma Azərbaycan millisinin qələbəsi ilə yekunlaşıb - 3:2 (25-20, 18-25, 25-22, 22-25, 15-11).

Bununla da Covanni Kapraranın baş məşqçi olduğu komanda 4 oyundan 8 xalla 2-ci pilləyə yüksəlib. Azərbaycan eyni xala malik Xorvatiyanı setlərdəki qələbə sayında geridə qoyub.

Lakin hələlik növbəti mərhələyə vəsiqə verən ilk "4-lüy"ü təmin etmək mümkün olmayıb. Bu gün Bakı vaxtı ilə saat 20:00-da başlanacaq görüşdə Macarıstan Xorvatiyaya uduzsa, Azərbaycan yığması 1/8 finala yüksələcək.
Вернуться назад