Главная > İdman > Qurban Qurbanov: "Qələbəyə baxmayaraq, biz arxayınlaşmayacağıq"

Qurban Qurbanov: "Qələbəyə baxmayaraq, biz arxayınlaşmayacağıq"


7-08-2019, 06:59. Разместил: dovletxeberleri.az
Qurban Qurbanov: "Qələbəyə baxmayaraq, biz arxayınlaşmayacağıq"
“Qələbə qazanmağımıza baxmayaraq, bizim üçün çox çətin oyun oldu. Futbolçularımı təbrik edirəm, meydanda yaxşı vuruşdular".

Dovletxeberleri.az xəbər verir ki, bunu Azərbaycan çempionu “Qarabağ”ın baş məşqçisi Qurban Qurbanov deyib.

47 yaşlı mütəxəssis Çempionlar Liqasının III təsnifat mərhələsinin APOEL-lə Kiprdə keçirilən ilk oyunu barədə fikirlərini açıqlayıb. Ağdam təmsilçisinin çalışdırıcısı görüşdən sonra təşkil olunan mətbuat konfransında 2:1 hesablı səfər qələbəsinə şərh verib: “Rəqibin gücünü hamıya məlumdur və bilirdik ki, ilk dəqiqələrdən təzyiq yaradacaqlar. APOEL özünəməxsus oyun üslubu olan bir komandadır. Qələbəyə baxmayaraq, biz arxaynlaşmayacağıq. Yaxşı başa düşürük ki, bugünkü oyundan daha ağırı bizi Bakıda gözləyir. Bu qarşılaşmanı analiz edib, cavab matçında daha hazırlıqlı olmalıyıq".

Qeyd edək ki, “Qarabağ”ın qollarına ikinci hissədə fərqlənən Mahir Emreli və Maqaye Queye imza atıb. Kipr təmsilçisi yalnız son saniyələrdə Giorgos Merkisin sayəsində təsəlli qolu vurub.
Вернуться назад