Главная > Gündəm > Erməni ordusu itki verərək geri çəkilməyə məcbur edilib: Düşmənin diversiyasının qarşısını alıb

Erməni ordusu itki verərək geri çəkilməyə məcbur edilib: Düşmənin diversiyasının qarşısını alıb


8-02-2017, 19:17. Разместил: dovletxeberleri.az
Erməni ordusu itki verərək geri çəkilməyə məcbur edilib: Düşmənin diversiyasının qarşısını alıb

Fevralın 7-də saat 16.55-dən başlayaraq Ermənistan silahlı qüvvələrinin bölmələri tərəfindən cəbhənin müxtəlif istiqamətlərində Azərbaycan Ordusunun müdafiənin ön xəttindəki mövqeləri iriçaplı silahlardan, minaatanlar və toplardan atəşə tutulub.

Bu barədə EnSonXeberlerTv.Az-a Müdafiə Nazirliyinin mətbuat xidmətindən məlumat verilib.

Dərhal görülən təxirəsalınmaz cavab tədbirləri nəticəsində atəşlə düşmənin müxtəlif mühəndis qurğuları və atəş nöqtələri məhv edilib.

Müdafiə Nazirliyi bildirib ki, erməni silahlı birləşmələrinin mövqelərimizi iriçaplı silahlardan atəşə tutmaqla Dağlıq Qarabağda cəbhənin başqa istiqamətində həyata keçirməyə cəhd etdiyi diversiyadan diqqəti yayındırmaq məqsədi güddüyü ehtimal olunur. Lakin bölmələrimizin sayıqlığı nəticəsində düşmənin aktivliyi əvvəlcədən aşkar olunub.

Görülən tədbirlər nəticəsində itki verən düşmən geri çəkilməyə məcbur edilib.

Azərbaycan Silahlı Qüvvələrinin şəxsi heyəti heç bir itki verməyib və hazırda bütün cəbhə boyu əməliyyat şəraitinə tam nəzarət edilir.
Вернуться назад