Главная > Gündəm > Şura QHT-lər üçün yeni imkan yaradır

Şura QHT-lər üçün yeni imkan yaradır


29-11-2016, 16:30. Разместил: dovletxeberleri.az
Şura QHT-lər üçün yeni imkan yaradır

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası həyata keçirdiyi xidmətlərlə əlaqədar Açıq Hökumətin Təşviqi üzrə Milli Fəaliyyət Planının 4.1.2. və 4.2.3 bəndlərinə uyğun olaraq, fəaliyyətində effektivliyi, şaffaflığı, hesabatlılığı və aşkarlığı daha da artırmaq niyyəti ilə QHT-lərin ərizə, təklif və şikayətlərinin qəbulu üçün yeni xidmət yaradır.

Şuradan Axar.az-a verilən məlumata görə, Şura Əsasnaməsinə və QHT-lərə Dövlət Dəstəyi Konsepsiyasına uyğun olaraq, QHT-lərə 5 istiqamət (konsultativ, metodiki, təşkilati-texniki, maliyyə və məlumat) üzrə xidmət göstərir. Şura yaranandan indiyədək qrant müsabiqələrinin nəticələrindən narazı qalan QHT-lərin müraciətlərinin araşdırılması üçün Apellyasiya Komissiyası fəaliyyət göstərir. Eyni zamanda QHT-lərlə mütəmadi olaraq keçirilən görüşlərdə də onların fikirləri dinlənilir, müraciətləri araşdırılaraq müvafiq tədbirlər görülür. Şura Katiblik əməkdaşları tərəfindən göstərilən xidmətlərin səviyyəsini öyrənmək, QHT-lərin ictimai nəzarət işində aktiv iştirakını təmin etmək məqsədilə QHT-lərə şikayət və təkliflərini birbaşa göndərmək üçün yeni xidmət yaradır.

Qeyd edək ki, Şuraya şikayət ünvanlayan bütün şəxslərin hüquqları Azərbaycan qanunvericiliyinə müvafiq olaraq qorunacaq. Bütün şikayət və təkliflər Şuranın yeni xidmətinin məsul şəxsi tərəfindən araşdırılaraq rəhbərliyə məruzə ediləcək və müvafiq qərarlar qəbul olunacaq. QHT-lər həmçinin hüquqpozma halları ilə bağlı Şuranın müvafiq xidmətinə müraciətləri birbaşa da təqdim edə bilərlər.

QHT-lər ərizə, təklif və şikayətlərini aşağıdakı ünvana göndərə bilərlər: Xidmətin koordinatoru: Nədimə Rəhimli; e-mail: nadima.cssn@gmail.com; telefon nömrəsi: 077 497 15 91.
Вернуться назад