Dovletxeberleri.Az
» » Dağlıq Qarabağdakı girovlarımızı xilas şansı yaranıb?

10-02-2017, 11:04Dağlıq Qarabağdakı girovlarımızı xilas şansı yaranıb?

 Dağlıq Qarabağdakı girovlarımızı xilas şansı yaranıb?
Dilqəm Əsgərovun oğlu: “Rusiyanın qarşısına şərt qoymaq lazımdır ki...”

Yəhudi əsilli blogger Aleksandr Lapşinin həbsi və Bakıya ekstradisiyasından sonra Ermənistanın işğalçı ordusu tərəfindən girov götürülən azərbaycanlıların azad olunmasına şans yarandığını düşünənlər artıb.

Bir sıra ekspertlər hesab edir ki, Dağlıq Qarabağdakı separatçı rejimin əlində olan həmvətənlərimizin xilası üçün Lapşin faktorundan istifadə etmək olar. Xatırladaq ki, 2014-cü ilin iyul ayında Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev Kəlbəcərdə öz ata-baba yurdlarını ziyarət etmək istəyərkən Ermənistan silahlı qüvvələri tərəfindən girov götürülüblər. Onlarla birlikdə olmuş Azərbaycan vətəndaşı Həsən Həsənov güllələnərək öldürülüb. H. Həsənovun meyiti düşməndən alınaraq Bakıda dəfn edilib. İşğal altındakı Dağlıq Qarabağdakı separatçı rejim tərəfindən D. Əsgərov və Ş. Quliyevə “məhkəmə” qurulub. Qondarma məhkəmənin “qərarı” ilə D. Əsgərov ömürlük, Ş. Quliyev isə 22 il müddətinə azadlıqdan məhrum edilib.

Erməni girovluğunda olan D.Əsgərov Rusiya vətəndaşıdır. Bu mənada Rusiyanın Lapşinlə müqayisədə D.Əsgərova fərqli münasibət göstərməsi də suallar doğurur. Ancaq hesab olunur ki, məsələni Moskva ilə müzakirə etmək, girovların azadlığına nail olmaq üçün unikal şans yaranıb.

“Hazırda erməni girovluğunda saxlanılan Dilqəm Əsgərov Rusiya vətəndaşıdır. O, uzun müddətdir ki, erməni girovluğundadır. Dilqəm Əsgərov, Şahbaz Quliyev və Həsən Həsənov Qarabağa öz dədə-baba yurdlarını, əzizlərinin qəbirlərini ziyarət etmək üçün getmişdilər. Dilqəm Əsgərov Rusiya vətəndaşı olsa da, Kreml bununla bağlı səsini çıxarmır. Rusiya Ermənistandan tələb etmir ki, Qarabağa getməyə görə, adamı həbs etməzlər. Lakin Rusiya blogger Aleksandr Lapşinin Azərbaycana ekstradisiya olunmasına etiraz edir”.

Bunu modern.az saytına açıqlamasında Bütöv Azərbaycan Xalq Cəbhəsi Partiyasının sədri, deputat Qüdrət Həsənquliyev deyib. O bildirib ki, Lapşin Azərbaycan qanunlarını kobud şəkildə pozub və rəsmi Bakının razılığı olmadan işğal altındakı torpaqlarımıza səfər edib. Q. Həsənquliyev hesab edir ki, bu baxımdan, Rusiyanın Lapşinə görə Azərbaycana təzyiq etmək cəhdi əsassız və mənasızdır. Partiya sədri onu da qeyd edib ki, Lapşin Azərbaycanın istintaq orqanlarına öz təqsirini etiraf edərsə, bu halda məhkəmə ona daha yüngül cəza verə bilər.

Deputat, bununla belə, vurğulayıb ki, Lapşin Ermənistanın girovluğunda olan Dilqəm Əsgərov, Şahbaz Quliyev və Elnur Hüseynzadə ilə dəyişdirilməlidir.

“Azərbaycan üçün daha faydalı olardı ki, Lapşini sonda erməni girovluğunda olan 3 vətəndaşımızla dəyişərdi. Lapşinin həmin girovlarla dəyişdirilməsi daha məqsədəuyğun olardı. Düşünürəm ki, bu istiqamətdə diplomatik danışıqlar aparılacaq”,-deyə Q. Həsənquliyev söyləyib.

Dilqəm Əsgərovun oğlu Kürdoğlu Əsgərov “Yeni Müsavat”a açıqlamasında səslənən təklifi müdafiə etdi: “3 ilə yaxındır ki, atam Dilqəm Əsgərov qanunsuz olaraq Kəlbəcərdə girov götürülüb və qanunsuz məhkəmənin qərarı ilə 86 il və ömürlük həbsə məhkum edilib. Rusiya başda olmaqla, bir çox xarici dövlətlər və beynəlxalq təşkilatlar bu haqsızlığa göz yumublar. İndi isə Lapşinin müdafiəsinə qalxmaqla bağlı fikirlərini söyləyirlər. Əsl cinayətkar Lapşindir. Mən elə fikirləşirəm ki, ona layiq olduğu cəzani verib, atama 3 il ərzində verilən işgəncələrin Lapşinə 3 gün ərzində verilməsini istəyirəm”. K.Əsgərov deyir ki, Rusiya başda olmaqla, bir sıra ölkələr əvvəl-axır Lapşinin azadlığını tələb edəcəklər: “Rusiyanın qarşısına şərt qoymaq lazımdır ki, Dilqəm Əsgərov və Şahbaz Quliyevi siz ermənilərdən alın, biz də Lapşini sizə verək!”
Redaktor secimi
Aktual
Dovletxeberleri.Az
Vilayət Eyvazov mayora vəzifə verdiAğcabədililər öz millət vəkilərini seçirDünyanın ən gənc baş naziri seçildi - FOTOMüqabil Baxışovun özünü intihar etməsinin Laçın Rayon İcra Hakimiyyətinin başçısı və Laçın Rayon Təhsil Şöbəsinin müdiri ilə heç bir bağlığı yoxdur.İlham Əliyev rusiyalı naziri qəbul edib - YENİLƏNİBAvropa Tıbbı Assosiasiyası Milana VİP Hospitala İnstitut üzvlüyü təqdimatında xatirəPrezident Administrasiyasının məsul işçiləri Sumqayıtda vətəndaşların müraciətlərini dinləyiblərErmənistan ordusu sərhəd rayonlarımızı atəşə tutubMilli Məclisin deputatları AŞPA-nın büro və komitə iclaslarına gediblərErməni əsir və girovluğundakı azərbaycanlılar - 29 uşaq, 98 qadın, 112 qoca, 604 hərbçi...Azərbaycan taekvondoçuları Avropa birinciliyində 7 medal qazanıbSumqayıtda daha bir tibb müəssisəsi təmirdən sonra istifadəyə verilib – FOTOLARYAP-ın deputatlığa namizəd siyahısı nə vaxt açıqlanacaq? – Rəsmilərdən CAVABBaş nazir Şahin Mustafayevə yeni vəzifə verdiBaş nazir magistratura ilə bağlı qaydalara dəyişiklik etdi - QƏRAR"Prezidentimizi yalnız televizorda görmüşdüm" - VİDEODeputatlığa namizəd olmaq istəyənlərin nəzərinə - Müddət açıqlandıTürkmənistan Prezidenti 528 məhkumu əfv etdi - FƏRMANLaçın Rayon İcra Hakimiyyətinin başçısı Aqil Nəzərlinin növbəti görüş-səyyar qəbulu Taxta Körpü ərazisindəki Mişni obasında keçirilmişdirSumqayıtlılar bir gündə 650 min ağac əkilməsi təşəbbüsünə qoşuldu - FOTOLARLaçınlılarda nəcib təşəbbüsə həvəslə qoşuldularBu gün Azərbaycanda 650 min ağac əkiləcək - Birinci vitse-prezidentin TƏŞƏBBÜSÜŞənlik kənd inzibati ərazi vahidində vətəndaşlarla səyyar qəbul keçirmişdir.Məleykə Abbaszadə kadr islahatlarından DANIŞDIAzərbaycan Dillər Universitetinə “yeni rektor” seçildiAzTV bu ölkələrdə müxbir məntəqələri yaradıb: Amerika, Türkiyə, Çin…Laçın Rayon İcra Hakimiyyəti başçısı Aqil Nəzərlinin 2019-cu il üçün vətəndaşların qəbulu cədvəlinə uyğun olaraq növbəti qəbulu keçirildiNazirlər Kabinetinə iki şöbə müdiri təyin olundu - ADLARPREZİDENT İKİ İCRA BAŞÇISI TƏYİN ETDİ - Deputata yeni vəzifə verildiSumqayıt şəhərində qışa hazırlıqla bağlı geniş iclas keçirilibMilli Məclis qanunvericilik fəaliyyətini dayandırıb - Səfa MirzəyevAğcabədi rayonunda Beynəlxalq Əlillər Günü qeyd edildi.Konstitusiya Məhkəməsi bu gün deputatların məsələsinə BAXACAQDekabrda son 8 gün ardıcıl iş günüdür – Nazirlər Kabinetindən dəyişiklikNazirlər Kabinetində yeni təyinat - Baş Nazirin köməkçisi rəis olduSəyyar qəbul : Vətəndaşlarla birbaşa ünsiyyət Kəhrizli kəndiMilli Məclis icbari tibbi sığorta haqlarını müəyyən etdiElmar Məmmədyarov Sergey Lavrovla GÖRÜŞÜRSəadət Yusifovaya Prezident Administrasiyasında yeni vəzifə verildi“Aprel şəhidi”nin xanımı bələdiyyə seçkisinə QATILIB“Şəhidimiz” kampaniyasına qoşulan könüllü gənclər Ağcabədidə şəhid ailələrinə baş çəkiblərSOCAR vitse-prezidenti vəzifədən AZAD EDİLDİRus deputat Dilqəmlə Şahbaza görə yeni Ombudsmanla görüşəcəkBakı şəhərində “Məişət zəminində baş verən zorakılıqlara susmayaq” adlı layihəsi çərçivəsində tədbir başa vurulduPrezident Administrasiyasına yeni şöbə müdiri təyin olundu - DOSYEİlham Əliyev əhalinin sosial müdafiəsinin yaxşılaşdırılmasına 20 milyon ayırdı - SƏRƏNCAM“Lavrov İrəvanda imzaldığının eynisini Bakıda imzalayacaq” - ŞƏRHAzərbaycanın yeni Ombudsmanı kollektivə təqdim olunubSürücülərin nəzərinə - Etibarnamələrin verilməsi elektronlaşdırıldıAğcabədi Pedaqoji Kollecində “Yaradıcı Gənclərə Dəstək” İctimai Birliyi “Qədim Milli Xalq İdman Oyunlarının gənclər arasında təbliği” mövzusunda təlim keçirmişdir