Главная > Cəmiyyət > Gəncənin icra başçısı sənədsiz evlər məsələsinə toxundu

Gəncənin icra başçısı sənədsiz evlər məsələsinə toxundu


20-08-2019, 12:29. Разместил: dovletxeberleri.az
Gəncənin icra başçısı sənədsiz evlər məsələsinə toxundu
Gəncə Şəhər İcra Hakimiyyətinin başçısı Niyazi Bayramov növbəti dəfə vətəndaşların problemlərini dinləyib. Görüşdə Nizami Rayon İcra Hakimiyyətinin başçısı Nizami Hacıyev, Kəpəz Rayon İcra Hakimiyyətinin başçısı Eldəniz Xudiyev, müvafiq idarə, müəssisə və struktur rəhbərləri iştirak edib.


Niyazi Bayramov vətəndaşları salamlayaraq bildirib ki, Prezident İlham Əliyevin tapşırıq və tövsiyyələrinə uyğun olaraq keçirilən görüşlərin məqsədi sakinlərin problemlərini öyrənmək və onları həll etməkdir. Həmçinin şəhər rəhbəri qeyd edib ki, Gəncədə dam örtüyü dəyişdirilib, su-kanalizasiya sistemlərində təmir işləri davam etdirilir, çoxmərtəbəli binaların liftləri yenilənib, yollarda bərpa işləri gedir.


Sakinlər “açıq mikrofon” şəraitində öz problemlərini dilə gətirib, təkliflərini səsləndiriliblər. Müraciətlər arasında işlə təminat, yaşayış evinin tikintisi üçün torpaq sahəsinin verilməsi, fərdi evin təmiri, sənədsiz evlərin rəsmiləşdirilməsi kimi məsələlər üstünlük təşkil edib.

Vətəndaşların müraciətlərini tək-tək dinləyən Niyazi Bayramov, səsləndirilən bir çox problemlərin əksəriyyətinin yerindəcə həlli barədə konkret tapşırıqlar verib. Digər məsələlərin həlli araşdırılaraq müvafiq qurumlara tapşırılıb.
Вернуться назад